ဒေါ်လာသန်း ၄၀၀ ကျော် မူးယစ်ဆေးသင်္ဘော အင်ဒိုဖမ်းမိ၊ မြန်မာ ၄ ဦးပါဝင်
မေ ၁၈
အင်ဒိုနီးရှား ရေပိုင်နက်အတွင်း ထိုင်းနိုင်ငံအလံလွှင့်ထူထားတဲ့ သင်္ဘော တစ်စီးကို မသင်္ကာဖွယ် တွေ့ရှိလို့ လိုက်လံဖမ်းဆီးရာကနေ အမေရိကန်ဒေါ်လာ ၄၂၆ သန်း တန်ကြေးရှိတဲ့ မူးယစ်ဆေးဝါးတွေကို ဖမ်းဆီးရမိခဲ့ တယ်လို့ အင်ဒိုနီးရှားရေတပ်က မေ ၁၆ ရက်မှာ သတင်းစာရှင်းလင်း ထုတ်ပြန်သွားပါတယ်။
အင်ဒိုနီးရှားနိုင်ငံ ရီယူကျွန်းခရိုင်ဒေသအနီး တန်ဂျန်းဘာလိုင်ကာရီမမ်ရေပိုင်နက်မှာ ဒီသင်္ဘောကို မသင်္ကာဖွယ်ရာ တွေ့ရှိရပြီး အရှိန်မြှင့်မောင်းပြေးလို့ လိုက်လံဖမ်းဆီးခဲ့ရာမှာ ကိုကင်း ၁ . ၂ တန်နဲ့ စိတ်ကြွဆေး ၇၀၅ ကီလိုဂရမ်နဲ့အတူ ထိုင်းနိုင်ငံသား တစ်ယောက်နဲ့ မြန်မာနိုင်ငံသား ၄ ယောက်ကို ဖမ်းဆီးရမိခဲ့တာပါ။
မေလတတိယ အပတ်မှာ ဖြစ်ပေါ်ခဲ့တဲ့ ဒီဖမ်းဆီးရမိမှုဟာ အင်ဒိုနီးရှားနိုင်ငံ သမိုင်းမှာ အကြီးမားဆုံး မူးယစ်ဆေး သင်္ဘောနဲ့ သယ်ဆောင်မှုဖြစ်တယ်လို့ ဆိုပါတယ်။
၂၀၂၂ ခုနှစ်က ဂျာဗားကျွန်းအနီး မာရက်ခ်ဆိပ်ကမ်းနား ရေထဲမှာ ကိုကင်း ၁၇၉ ကီလိုဂရမ် တွေ့ရှိခဲ့ခြင်းဟာ အင်ဒိုနီးရှားမှာ မူးယစ်ဆေးဝါး အများဆုံး သိမ်းဆည်းရမိတာဖြစ်လို့ အခု ဖမ်းဆီးမှုက အများဆုံး အဖြစ် စံချိန်သစ်တင်ခဲ့တာပါ။
အင်ဒိုနီးရှားနိုင်ငံဟာ မူးယစ်ဆေးနဲ့ပတ်သက်ပြီး အပြင်းထန်ဆုံး တရားစီရင်မှုတွေကို လုပ်ဆောင်နေ တာကြောင့် ဖမ်းဆီးရမိသူတွေဟာ သေဒဏ်ချမှတ်ခံရနိုင်ဖွယ်ရှိပါတယ်။
လက်ရှိ ဒီမူးယစ်ဆေးတွေ ဘယ်က လာပြီး ဘယ်ကိုပို့မယ်ဆိုတာ ဆက်လက်စုံစမ်းနေတယ်လို့ အင်ဒိုအာဏာပိုင် တွေက ထုတ်ပြန်ထားပါတယ်။
ပုံမှန်အားဖြင့် မူးယစ်ဆေးဝါးတွေကို ထိုင်း-မြန်မာ-လာအို သုံးနိုင်ငံထိစပ် ရွှေတြိဂံဇုန်မှာ အလုံးအရင်းထုတ်လုပ်ပြီး ဂျပန်၊ နယူးဇီလန်အထိ မြေပြင်၊ ရေပြင်လမ်းတွေအကုန်သုံးလို့ ပို့ဆောင် နေရာမှာ ထိုင်းပယ်လယ်ကွေ့ကို အသုံးပြုမှုများကြောင်း၊ ၂၀၂၃ ခုနှစ်အတွင်း အရှေ့နဲ့ အရှေ့တောင် အာရှဒေသတွင်းမှာ စံချိန်တင်အဖြစ် စိတ်ကြွဆေး တန် ၁၉၀ သိမ်းဆည်းရမိခဲ့တယ်လို့ မူးယစ်ဆေးဝါးနှင့် ရာဇ၀တ်မှုဆိုင်ရာ ကုလသမဂ္ဂရုံး အစီရင်ခံစာမှာ ဖော်ပြခဲ့ပါတယ်။ Ref: Reuter
1 Comment
ဒီသတင်းက အင်ဒိုနီးရှားရဲ့ မူးယစ်ဆေးဝါးတိုက်ဖျက်ရေးလုပ်ငန်းတွေကို ထင်ဟပ်ပြနေတယ်။ မူးယစ်ဆေးဝါးတွေကို ဖမ်းဆီးရမိခြင်းဟာ နိုင်ငံအတွက် ကြီးမားတဲ့အောင်မြင်မှုတစ်ခုပါ။ ဒါပေမယ့် ဒီလိုမူးယစ်ဆေးဝါးတွေက ဘယ်ကနေလာပြီး ဘယ်ကိုပို့မယ်ဆိုတာ ဆက်လက်စုံစမ်းဖို့လိုတယ်။ အင်ဒိုနီးရှားရဲ့ တင်းကျပ်တဲ့တရားစီရင်မှုတွေက မူးယစ်ဆေးဝါးပြဿနာကို ထိထိရောက်ရောက်ဖြေရှင်းနိုင်မလား။ ဒီဖမ်းဆီးမှုဟာ အနာဂတ်မှာ မူးယစ်ဆေးဝါးကုန်သွယ်မှုကို လျှော့ချနိုင်မယ်လို့ မျှော်လင့်ရသလား။ ဒီလိုမျိုး ကြီးမားတဲ့ဖမ်းဆီးမှုတွေက နိုင်ငံတကာမှာ မူးယစ်ဆေးဝါးပြဿနာကို ဘယ်လောက်ထိ ထိရောက်စွာဖြေရှင်းနိုင်မလဲ။