May Day အခမ်းအနား မဲဆောက်မှာ ကျင်းပ
မေ ၁၊ မဲဆောက်
ကမ္ဘာ့အလုပ်သမားနေ့ – May Day အထိမ်းအမှတ် အခမ်းအနား တစ်ခုကို မေလ ၁ ရက် ဒီနေ့မှာ ထိုင်းနိုင်ငံ မဲဆောက်မြို့မှာ ပြုလုပ်ခဲ့ပါတယ်။
အလုပ်သမားများ၏ ပံ့ပိုးကူညီမှုများကိုဂုဏ်ပြုရန်နှင့် တရားမျှတသော အလုပ်သမားအခွင့်အရေး၊ ဘေးကင်းလုံခြုံသော လုပ်ငန်းခွင်များနှင့် လူတိုက်းလူမှု တရားမျှတမှုအတွက် ထောက်ခံ အားပေရန် ဆိုတဲ့ ရည်ရွယ်ချက်နဲ့ ပြုလုပ်ခဲ့ကြတာပါ။
တရားမျှတသော လုပ်ခလစာ၊ ဘေးကင်းလုံခြုံသော လုပ်ငန်းခွင် အခြေအနေနှင့် ရွှေ့ပြောင်းအလုပ်သမားအခွင့်အရေးများ ရရှိဖို့ စည်းရုံး လှုံဆော် တောင်းဆိုစို့ ဆိုတဲ့ ကမ္ဘာ့အလုပ်သမားနေ့ May Day ဆောင်ပုဒ်နဲ့အညီ ရွှေ့ပြောင်းအလုပ်သမားတွေကို ကူညီပေးနေတဲ့ အဖွဲ့အစည်း ၁၄ ခု ပူးပေါင်းထားတဲ့ MRPWG ( Migrant Rights Promotion Wotk Group က ဦးစီးပြီး ကျင်းပခဲ့တာပါ။
လုပ်ငန်းခွင် ဘေးကင်းလုံခြုံရေး အခြေအနေ၊ အခက်အခဲ၊ ဥပဒေလမ်းကြောင်းအရ အကာအကွယ် ပေးနိုင်မှု အကြောင်းအရာ စတာတွေကို ရွှေ့ပြောင်းအလုပ်သမား ကိုယ်စားလှယ်တွေက ဆွေးနွေးခဲ့ကြ သလို ရခိုင်ရိုးရာအက၊ ဗမာ အက၊ နဲ့ သံချပ်တို့ကိုလည်း ရွှေ့ပြောင်းအလုပ်သမားတွေက တင်ဆက် ဖျော်ဖြေခဲ့ပါတယ်။
MRPWG မှာပါဝင်တဲ့ အဖွဲ့အစည်းတွေက လုပ်ငန်းပြခန်းတွေ၊ ဂိမ်းအစီအစဥ်တွေနဲ့ ဆွေးနွေး စုံစမ်းဖို့ နေရာတွေကို ဖွင့်လှစ်ခဲ့ပြီး ရွှေ့ပြောင်းအလုပ်သမားတွေနဲ့ မိသားစုဝင်တွေက စိတ်ပါဝင်စားစွာ ဆွေးနွေးခဲ့ကြပါတယ်။
အခမ်းအနားမှာ ထိုင်းနဲ့မြန်မာနိုင်ငံက ငလျင်ဘေးသင့်သူများအတွက် ငြိမ်သက်ဆုတောင်းခဲ့ကြပါတယ်။
