ယနေ့မှစ ထိုင်းတစ်နိုင်ငံတည်းမှာသာ အသုံးပြုခွင့်ရမည့် မြန်မာနိုင်ငံကူးလက်မှတ်ကိုသာ ထုတ်ပေးမည်

Sep 25, 2025

စက်တင်ဘာ 24

ထိုင်းနိုင်ငံအတွင်း သက်တမ်းတိုးတဲ့ မြန်မာနိုင်ငံကူးလက်မှတ်တွေကို ထိုင်းတစ်နိုင်ငံထဲမှာပဲ အသုံးပြုခွင့်ရတော့မယ်လို့ ဒီကနေ့ စက်တင်ဘာ 24 မှာသတင်းများ ထွက်ပေါ်လာပါတယ်။

အကြောင်းအမျိုးမျိုးနဲ့ ရောက်နေတဲ့ မြန်မာနိုင်ငံသားတွေအနေနဲ့ နိုင်ငံကူးလက်မှတ် သက်တမ်းတိုးတာကို ထိုင်းနိုင်ငံအတွင်း ပြုလုပ်မယ်ဆိုရင် အခြားနိုင်ငံတွေကို သွားရောက်ခွင့်ပြုမှာမဟုတ်တဲ့အကြောင်းကို နိုင်ငံကူးလက်မှတ်မှာ တရားဝင် တံဆိပ်တုံး ရိုက်နှိပ်ပေးလိုက်တာပါ။

သန်းနဲ့ချီတဲ့ မြန်မာနိုင်ငံသားတွေဟာ ရွှေ့ပြောင်းအလုပ်သမား ကတ် (ပန်းရောင်ကတ်) နှင့် ထိုင်းနိုင်ငံအတွင်းမှာနေထိုငိဖို့ ထုတ်ပေးထားတဲ့ မည်သူမည်ဝါဖြစ်ကြောင်း ထောက်ခံစာ (Certificate of Identity – CI) ကတ်တွေကို အဓိက ကိုင်ဆောင် နေထိုင်ကြရပါတယ်။

အကြောင်း အမျိုးမျိုးနဲ့ ထိုင်းနိုင်ငံမှာ နေထိုင်ပြီး နိုင်ငံကူးလက်မှတ် သက်တမ်းကုန်သွားသူတွေ ဟာလည်း အရင်က CI လုပ်စရာ မလိုဘဲ နိုင်ငံကူး လက်မှတ်ကို သက်တမ်းတိုးနိုင်ခဲ့ပါတယ်။

နိုင်ငံကူး လက်မှတ် သက်တမ်း တိုးလိုတဲ့သူတွေနဲ့ အလုပ်သမားအများစုဟာ အာဏာသိမ်း စကမ က အလုပ်လုပ်ခွင့် ရ နိုင်ငံကူးလက်မှတ် ( Passport for Job – PJ) ထုတ်ပေးမယ်လို့ ကြေငြာချက်ထုတ်ပြန်ပြီးနောက်မှာ အခြားနိုင်ငံတွေကို သွားရောက် အလုပ်လုပ်ကိုင်ဖို့နဲ့ အလည်အပတ် သွားလိုသူတွေက နိုင်ငံကူးလက်မှတ်များကို သက်တမ်းတိုး လုပ်ခဲ့ကြပါတယ်။

ဒီကနေ့မှာတော့ ထိုင်းနိုင်ငံထဲမှာ နိုင်ငံကူးလက်မှတ် သက်တမ်းတိုးမယ့်သူတွေနဲ့ CI ကနေ PJ ပြောင့်မယ့်သူတွေဟာ ထိုင်းတစ်နိုင်ငံထဲမှာပဲ အသုံးပြုခွင့်ရမယ့် မြန်မာနိုင်ငံကူးလက်မှတ်ကိုပဲ ရရှိတော့မှာ ဖြစ်ပါတယ်။

ငွေကုန်ကြေးကျခံပြီး နိုင်ငံကူးလက်မှတ် အသစ်နှင့် သက်တမ်းတိုးမယ့်သူတွေအနေနဲ့ အလိမ်မခံရအောင် သတိထားဖို့ လိုကြောင်းကိုလည်း FED က ဦးထူးချစ်က သတိပေးထားပါတယ်။

Photo Credit By Original Uploader